ക്രിസ്മസ് വാരത്തിൽ ഭീഷണിയെത്തുടർന്ന് ക്രിസ്ത്യാനികൾ പലായനം ചെയ്തു

0 459

ലാഹോർ: പാകിസ്ഥാനില ലാഹോരിനടുത്തുള്ള ചാരറിൽ നിന്നുള്ള നൂറുകണക്കിന് ക്രിസ്ത്യൻ കുടുംബങ്ങൾ വീടുകൾ വിട്ട് ഓടിപ്പോയതായി ഇന്റർനാഷണൽ ക്രിസ്ത്യൻ കൺസേൻ (ഐസിസി) റിപ്പോർട്ട് ചെയ്യുന്നു. തങ്ങളുടെ വീടുകൾക്ക് മുസ്ലീങ്ങൾ തീകൊളുത്താൻ പദ്ധതിയിട്ടിരിക്കുകയാണെന്ന് അറിഞ്ഞപ്പോഴാണ് എല്ലാവരും പലായനം ചെയ്തത്. തദ്ദേശവാസിയായ ഒരു പാസ്റ്റർ വിശ്വാസ അധിഷ്ഠിത പോസ്റ്റ് സോഷ്യൽ മീഡിയയിൽ പ്രസിദ്ധീകരിച്ചതിനെത്തുടർന്നാണ് ജനക്കൂട്ടം ക്രിസ്ത്യാനികളെ ഭീഷണിപ്പെടുത്തിയതെന്ന് പ്രാദേശിക വൃത്തങ്ങൾ അറിയിച്ചു.

Download ShalomBeats Radio 

Android App  | IOS App 

“പാസ്റ്റർ രാജ വാരിസ് ഡിസംബർ 22 ന് ഫേസ്ബുക്കിൽ വിശ്വാസ പരമായ ഒരു പോസ്റ്റ് പ്രസിദ്ധീകരിച്ചു, ഇത് തങ്ങളുടെ മതവികാരത്തെ വ്രണപ്പെടുത്തുന്നുവെന്ന് മുസ്ലീങ്ങൾ അവകാശപ്പെട്ടു,” ചരറിൽ നിന്ന് പലായനം ചെയ്ത സലീം ഖോഖർ ഐസിസിയോട് പറഞ്ഞു. “പാസ്റ്റർ ഈ പോസ്റ്റിന് ക്ഷമ ചോദിക്കുകയും അടുത്ത ദിവസം പ്രശ്നം പരിഹരിക്കുകയും ചെയ്തതാണ്.”

പക്ഷേ, ഈ പോസ്റ്റു നിമിത്തം പാസ്റ്റർ വാരിസിനെതിരെ മതനിന്ദ ആരോപണങ്ങളൊന്നും ഫയൽ ചെയ്തിട്ടില്ല. എങ്കിലും പ്രാദേശിക ഭീഷണികളെ തുടർന്ന് പാസ്റ്റർ വാരിസും കുടുംബവും ഒളിവിൽ പോയി. സോഷ്യൽ മീഡിയ പോസ്റ്റിന്റെ പ്രശ്നം പരിഹരിച്ചിട്ടുണ്ടെങ്കിലും നൂറുകണക്കിന് മുസ്ലീങ്ങളുടെ ഒരു സംഘം ചരറിലെ ക്രിസ്ത്യാനികൾക്കെതിരെ പ്രതിഷേധം തുടരുകയാണ്. കുറ്റകരമായ പോസ്റ്റ് പ്രസിദ്ധീകരിച്ചതിന് പാസ്റ്റർ വാരിസിനെ ശിരഛേദം ചെയ്യണമെന്ന് ജനക്കൂട്ടം ആവശ്യപ്പെട്ടതായി നാട്ടുകാർ പറഞ്ഞു. “ക്രിസ്ത്യാനികളുടെ വീടുകൾക്ക് മുസ്ലീങ്ങൾ തീകൊളുത്താൻ പദ്ധതിയിട്ടിരിക്കുകയാണെന്ന് അറിഞ്ഞപ്പോൾ സ്ഥിതി അപകടത്തിലായി”, ഖോഖർ ഐസിസിയോട് പറഞ്ഞു. “ഇത്‌ ക്രിസ്‌ത്യാനികളെ അയൽ‌പ്രദേശത്തേക്ക്‌ ഓടിപ്പോകാൻ‌ നിർബന്ധിതരാക്കി”.

ജനക്കൂട്ടത്തിന്റെ പ്രതിഷേധം അക്രമാസക്തമാകാതിരിക്കാൻ ചാരറിലേക്ക് പോലീസിനെ വിന്യസിച്ചിട്ടുണ്ട്. പോലീസ് സാന്നിധ്യമുണ്ടായിട്ടും, പല ക്രിസ്ത്യാനികളും അവിടെ നിന്നും മാറി സുഹൃത്തുക്കളുടെയും ബന്ധുക്കളുടെയും അടുക്കൽ അഭയം തേടിയിട്ടുണ്ട്. “ഇത് സന്തോഷത്തിന്റെയും ആഘോഷത്തിന്റെയും സമയമായിരിക്കേണ്ടതാണ്” ഖോഖർ ഐസിസിയോട് പറഞ്ഞു. “എന്നാൽ ഞങ്ങൾ വീടുകൾക്ക് പുറത്താണ്, ഞങ്ങളെ സംരക്ഷിക്കാനും പോറ്റാനും ബന്ധുക്കളോടും സുഹൃത്തുക്കളോടും അഭ്യർത്ഥിക്കുന്നു. ഈ അവസ്ഥ നന്നായിരിക്കുമെന്ന് തോന്നുന്നില്ല. ”

ShalomBeats Radio - 24/7 - Multilingual Christian Radio

You might also like
Comments
Loading...