ഐ.പി.സി.ഗ്ലോബൽ മീഡിയ അസോസിയേഷൻ അവാർഡിനായി രചനകൾ ക്ഷണിക്കുന്നു

0 515
കുമ്പനാട്: ഇന്ത്യാ പെന്തെക്കോസ്ത് ദൈവസഭയിലെ എഴുത്തുകാരുടെയും മാധ്യമ പ്രവർത്തകരുടെയും ആഗോള സംഘടനയായ ഐ.പി.സി ഗ്ലോബൽ മീഡിയ അസോസിയേഷൻ  എഴുത്തുകാരെ പ്രോത്സാഹിപ്പിക്കുന്നതിന്റെ ഭാഗമായി പത്രപ്രവർത്തകർക്കും എഴുത്തുകാർക്കും അവരുടെ മികച്ച രചനയ്ക്ക് അവാർഡ് നല്കാൻ തീരുമാനിച്ചു.
മെയ് 3 ന് തിരുവല്ലയിൽ ചെയർമാൻ സി.വി.മാത്യുവിന്റെ അദ്ധ്യക്ഷതയിൽ  കൂടിയ യോഗത്തിൽ രക്ഷാധികാരി പാസ്റ്റർ കെ.സി.ജോൺ, വൈസ് ചെയർമാൻ സാംകുട്ടി ചാക്കോ നിലമ്പൂർ, സെക്രട്ടറി പാസ്റ്റർ രാജു ആനിക്കാട്, പാസ്റ്റർ സി.പി.മോനായി, എം.വി.ഫിലിപ്പ്, ജനറൽ സെക്രട്ടറി സജി മത്തായി കാതേട്ട് എന്നിവർ സംബന്ധിച്ചു.
20l 7 ജനുവരി മുതൽ 2017 ഡിസംബർ വരെ പ്രസിദ്ധീകൃതമായ മികച്ച ലേഖനം, ഫിക്ഷൻ (കഥ, കവിത), ന്യൂസ് സ്റ്റോറി / ഫീച്ചർ, ഈ കാലയളവിൽ പ്രസിദ്ധീകരിച്ച പുസ്തകം, ടി.വി. ഷോ എന്നിവയ്ക്കാണ് അവാർഡ് നല്കുന്നത്.
എഴുത്തുകാർക്കോ പ്രസിദ്ധീകരണങ്ങളുടെ പത്രാധിപ സമിതിക്കോ എൻട്രികൾ സമർപ്പിക്കാം.
എൻട്രികൾ 20l8 ഓഗസ്റ് 15 നകം ജനറൽ സെക്രട്ടറിക്ക് അയച്ചു കൊടുക്കുകയോ നേരിട്ട് എത്തിക്കുകയോ ചെയ്യേണ്ടതാണ്.
ലോകമെമ്പാടുമുള്ള ഐ.പി.സി സഭാംഗങ്ങളായവർക്ക് എൻട്രികൾ അയക്കാം.
അഡ്രസ് : പി.ഒ.ബോക്സ് നമ്പർ 1415, തൃശൂർ, 680007, കേരളാ.
ഇ.മെയിൽ: sajimkathettu@gmail.com
ഫോൺ: 944 737 27 26
ജൂറി ആവശ്യപ്പെടുന്ന പ്രകാരം ഐ.പി.സി സഭാംഗം ആണെന്ന് തെളിയിക്കുന്ന രേഖ സമർപ്പിക്കേണ്ടതാണ്.
2019 ജനുവരിയിൽ നടക്കുന്ന കുമ്പനാട് കൺവൻഷനു അവാർഡുകൾ വിതരണം ചെയ്യും.

- Advertisement -

Advertisement

You might also like
Comments
Loading...
error: Content is protected !!