ന്യൂനപക്ഷ സ്​കോളർഷിപ്പ്​: ഹൈകോടതി വിധിക്ക്​ തൽകാലം സ്​റ്റേയില്ല; കക്ഷികൾക്ക്​ സുപ്രീം കോടതി നോട്ടീസ്​ അയക്കും

0 141

ന്യൂഡൽഹി: കേരളത്തിലെ ന്യൂനപക്ഷ വിദ്യാഭ്യാസ സ്കോളർഷിപ്പുകൾ ജനസംഖ്യാനുപാതികമായി വിതരണം ചെയ്യണമെന്ന ഹൈക്കോടതി വിധി സുപ്രീം കോടതി സ്​റ്റേ ചെയ്തില്ല. ഹൈക്കോടതി വിധിക്കെതിരെ കേരളം നൽകിയ അപ്പീൽ പരിഗണിച്ച സുപ്രീം കോടതി വിധി സ്​റ്റേ ചെയ്യാൻ തയാറായില്ല. ​അതേസമയം, കക്ഷികൾക്ക്​ നോട്ടീസ്​ അയക്കാൻ തീരുമാനിച്ചിട്ടുണ്ട്​.

ന്യൂനപക്ഷ സ്​കോളർഷിപ്പ്​ വിതരണത്തിലെ 80: 20 അനുപാതം റദ്ദാക്കിയാണ്​ ഹൈക്കോടതി ജനസംഖ്യാനുപാതികമായി വിതരണം ചെയ്യാനാവശ്യപ്പെട്ടത്​. ജനസംഖ്യാ കണക്കിന്റെ അടിസ്ഥാനത്തില്‍ അനുപാതം പുനര്‍നിശ്ചയിക്കാന്‍ ഹൈക്കോടതി സംസ്ഥാന സര്‍ക്കാരിനോട് ആവശ്യപ്പെടുകയായിരുന്നു.

Download ShalomBeats Radio 

Android App  | IOS App 

മുസ്​ലിം പിന്നാക്കാവസ്​ഥ പരിഹരിക്കാൻ പാ​ലോളി കമീഷന്‍റെ നിർദേശമനുസരിച്ച്​ നടപ്പാക്കിയതായിരുന്നു ന്യൂനപക്ഷ സ്കോളർഷിപ്പ്​. ഇതിന്‍റെ വിതരണം 80 ശതമാനം മുസ്ലിം വിഭാഗത്തിനും 20 ശതമാനം ഇതര ന്യൂനപക്ഷ വിഭാഗങ്ങള്‍ക്കും എന്നാക്കി 2015ല്‍ സര്‍ക്കാര്‍ ഉത്തരവ് ഇറക്കിയിരുന്നു. ഇത് വിവേചനപരവും ഭരണഘടനാ വിരുദ്ധവുമാണെന്ന്​ ചൂണ്ടികാട്ടിയാണ്​ അനുപാതം പുനര്‍നിശ്ചയിക്കാന്‍ ഹൈക്കോടതി ആവശ്യപ്പെട്ടത്​.

ക്രിസ്​ത്യൻ സമൂഹത്തിന്‍റെ പിന്നാക്കാവസ്​ഥ പരിശോധിക്കാൻ ജസ്റ്റിസ് ജെ. ബി. കോശിയുടെ അധ്യക്ഷതയിൽ സമിതി രൂപവത്കരിച്ചിട്ടുണ്ട്. ഈ കമ്മിറ്റിയുടെ റിപ്പോർട്ട്​ വരുന്നതുവരെയുള്ള സാവകാശം തേടിയാണ്​ കേരളം ഹരജി നൽകിയത്​.

Advertisement

You might also like
Comments
Loading...