പാകിസ്ഥാൻ: മുസ്ലീം സൂപ്പർവൈസർക്ക് മതനിന്ദാ വാചക സന്ദേശങ്ങൾ അയച്ചെന്നാരോപിച്ച് ഒരു ക്രിസ്ത്യൻ വിശ്വാസിക്ക് പാകിസ്ഥാനിൽ വധശിക്ഷ വിധിച്ചു.
കഴിഞ്ഞ ഏഴു വർഷമായി 37 കാരനായ ആസിഫ് പെർവൈസിനെ ജയിലിലാണ്. ഒരു വസ്ത്രനിർമ്മാണ ശാലയിൽ ജോലി ചെയ്യവേ തന്റെ ഫോണിൽ നിന്ന് സൂപ്പർവൈസർക്ക് ദൈവ വിദ്വേഷക സന്ദേശങ്ങൾ അയച്ചതായി ആരോപിച്ചതിനെത്തുടർന്നാണ് മതനിന്ദ കുറ്റം ചുമത്തപ്പെട്ടത്, ആസിഫിന്റെ വക്കീൽ സൈഫുൽ മാലൂക്ക് ‘മോണിംഗ് സ്റ്റാർ ന്യൂസി'(MSN)നോടു പറഞ്ഞു. സെപ്റ്റംബർ 8 ചൊവ്വാഴ്ച, കോടതി പെർവെയ്‌സിന് വധശിക്ഷ വിധിച്ചു. തനിക്കെതിരായ ആരോപണങ്ങളെല്ലാം പെർവെയ്സ് നിഷേധിക്കുന്നുവെന്ന് മാലൂക്ക് എഎഫ്‌പിയോട് പറഞ്ഞു.
“ഈ കേസ് ജഡ്ജി തള്ളിയിരിക്കണം,” പ്രോസിക്യൂഷന് തെളിവില്ലെന്നും ഈ ആഴ്ച അവസാനം ലാഹോർ ഹൈക്കോടതിയിൽ അപ്പീൽ നൽകുമെന്നും അഭിഭാഷകൻ പറഞ്ഞു.
“കോടതിയുടെ തീരുമാനത്തിനായി അദ്ദേഹം ഇതിനകം ഏഴു വർഷം ചെലവഴിച്ചു. ഇത് അവസാനിക്കുന്നതുവരെ ഇനിയും എത്ര വർഷം കാത്തിരിക്കണമെന്ന് ആർക്കറിയാം?” മാലൂക്ക് എം‌എസ്‌എന്നിനോട് പറഞ്ഞു.
ക്രിസ്ത്യൻ വിശ്വാസം ഉപേക്ഷിച്ച് ഇസ്ലാം മതം സ്വീകരിക്കാൻ വിസമ്മതിച്ചതിനെത്തുടർന്നാണ് സൂപ്പർവൈസർ തന്നെക്കുറിച്ച് ആരോപണം ഉന്നയിച്ചതെന്ന് പെർവെയ്സ് വാദിച്ചു. അവൻ ജോലി ഉപേക്ഷിച്ചു, പക്ഷേ സൂപ്പർവൈസർ അയാളുടെ പുതിയ ജോലിസ്ഥലത്തും അവനെ വേട്ടയാടുന്നത് തുടർന്നു.
മാലൂക്ക്, ആസിയ ബീബിയെ പ്രതിനിധീകരിച്ച മുസ്ലീമായ ഒരു വക്കീലാണ് . കേസ് അന്താരാഷ്ട്ര ശ്രദ്ധ നേടുന്നതിനുമുമ്പ് വധശിക്ഷയ്ക്ക് വിധിക്കപ്പെടുകയും 2018 ഒക്ടോബറിൽ അവൾ മോചിതയാകുകയും ചെയ്തു. ബീബി ഇപ്പോൾ മക്കളോടൊപ്പം കാനഡയിൽ താമസിക്കുന്നു.
പ്രതികളിൽ പലരും ഒരിക്കൽ പോലും വിചാരണ നേരിടുന്നില്ല. ജൂലൈയിൽ പാകിസ്ഥാനിലെ പെഷവാറിലെ കോടതി മുറിയിൽ വെച്ച് അമേരിക്കൻ പൗരനായ താഹിർ അഹ്മദ് നസീമിനെ വെടിവച്ച് കൊന്നിരുന്നു. അഹ്മദിയ വിശ്വാസത്തിൽ പെട്ടയാളായതിനാലാണ് നസീമിനെ വെടിവച്ചതെന്ന് അക്രമി അവകാശപ്പെട്ടു.
മതനിന്ദ ആരോപിച്ച് 80 ഓളം പേർ ഇപ്പോഴും പാക്ക് ജയിലുകളിൽ കഴിയുന്നുണ്ട്. ഇതിൽ പകുതിയും ജീവപര്യന്തം തടവോ വധശിക്ഷയോ അനുഭവിക്കുന്നവരാണെന്ന് യുഎസ് ആസ്ഥാനമായ ‘അന്താരാഷ്ട്ര മതസ്വാതന്ത്ര്യ കമ്മീഷൻ’ പറയുന്നു.