ചിങ്ങവനം: ന്യൂ ഇന്ത്യ ചർച്ച് ഓഫ് ഗോഡ് ജനറൽ കൺവെൻഷൻ ജനുവരി 9 ബുധൻ മുതൽ 13 ഞായർ വരെ ചിങ്ങവനം ബെഥേസ്‌ഥ നഗറിൽ നടക്കും. 9 നു വൈകിട്ട് 6 മണിക്ക് സഭാ പ്രസിഡന്റ് പാസ്‌റ്റർ വി എ തമ്പി കൺവെൻഷൻ ഉൽഘടനം ചെയ്യും. പാസ്റ്റേഴ്‌സ് ടി ജെ ശാമുവേൽ (പുനലൂർ), ഷിബു തോമസ് ( U S A ), ബാബു ചെറിയാൻ (പിറവം), ആർ എബ്രഹാം (ന്യൂ ഡൽഹി), ജേക്കബ് മാത്യു, അനീഷ് തോമസ്, പ്രിൻസ് തോമസ്, ബിജു തമ്പി തുടങ്ങിയവർ രാത്രി യോഗങ്ങളിൽ പ്രസംഗിക്കും.
പാസ്റ്റേഴ്‌സ് നൂർദിൻ മുള്ള (ബൽഗാം), റെജി കുര്യൻ (ദോഹ), മാർട്ടിൻ ഫിലിപ്പ് (ഗോവ), ബിനു തമ്പി (കൽക്കട്ട) തുടങ്ങിയവർ പകൽ യോഗങ്ങളിൽ പ്രസംഗിക്കും. വെള്ളിയാഴ്ച 2 മണിക്ക് സിസ്റ്റർ മറിയാമ്മ തമ്പിയുടെ നേതൃത്വത്തിൽ നടക്കുന്ന സഹോദരി സമ്മേളനത്തിൽ സിസ്റ്റർ പത്മ മുതലിയാർ പ്രസംഗിക്കും. ശനിയാഴ്ച രാവിലെ 11 മണിമുതൽ നടക്കുന്ന വൈ പി സി എ സണ്ടേസ്കൂൾ സംയുത വാർഷിക സമ്മേളനത്തിലും ഉച്ചക്ക് 2 മുതൽ നടക്കുന്ന യുവജന സമ്മേളനത്തിലും പാസ്‌റ്റർ അനീഷ് ഏലപ്പാറ ദൈവവചനം ശുശ്രുഷിക്കുകയും സിസ്റ്റർ പ്രെസിസ് ജോൺ ആരാധനക്ക് നേതൃത്വം നൽകുകയും ചെയ്യും. ക്രൈസ്റ്റ് ഫോർ ഇന്ത്യ സിംഗേഴ്സ് ഗാനശുശ്രുഷക്ക് നേതൃത്വം നൽകും.