കട്ടപ്പന: ചര്‍ച്ച് ഓഫ് ഗോഡ് ഇന്‍ ഇന്‍ഡ്യ കേരള സ്‌റ്റേറ്റ് ഹൈറേഞ്ച് സോണലിന്റെ ഉദ്ഘാടന സമ്മേളനം ഒക്ടോബര്‍ മാസം 12-ാം തീയതി വെള്ളിയാഴ്ച രാവിലെ 10 മണി മുതല്‍ 1 മണി വരെ ചര്‍ച്ച് ഓഫ് ഗോഡ് ഇന്‍ ഇന്‍ഡ്യ കേരള സ്‌റ്റേറ്റ് കട്ടപ്പന സയണ്‍ ഹാള്‍ സഭയില്‍ വച്ച് നടക്കും. ഓവര്‍സിയര്‍ പാസ്റ്റര്‍ സി. സി തോമസ് ഉദ്ഘാടന കര്‍മ്മം നിര്‍വ്വഹിച്ച് സോണല്‍ ഭാരവാഹികളെ നീയമിക്കും. ഈ യോഗത്തിന് സോണല്‍ ഡയറക്ടര്‍ പാസ്റ്റര്‍ വൈ. ജോസ് നേതൃത്വം നല്‍കും.ദൈവസഭയുടെ വിവിധ ഡിപ്പാർട്ട്മെൻറുകൾക്ക് നേതൃത്വം വഹിക്കുന്നവർ ഈ സമ്മേളനത്തിൽ പങ്കെടുക്കും. ഈ സോണലിൽ ഉൾപ്പെട്ട എല്ലാ ഡിസ്ട്രിക്ടുകളിലെ ഡിസ്ട്രിക്ട് ശുശ്രൂഷകന്മാരും, സഭാ ശുശ്രൂഷകന്മാരും, ഡിസ്ട്രിക്ട് സെക്രട്ടറിമാരും, ലോക്കൽ സഭ സെക്രട്ടറിമാരും പുത്രിക സംഘടനകളായ വൈ.പി. ഇ, സണ്ടേസ്കൂൾ, എൽ. എം എന്നിവയുടെ ഡിസ്ട്രിക്ട് സെക്രട്ടറിമാരും സംബന്ധിക്കേണ്ടതാണെന്ന് സോണൽ ഡയറക്ടർ പാസ്റ്റർ വൈ. ജോസ് അറിയിച്ചു.